Week 15

＠話感快就到左WEEK15，so lucky，完全無嘔，無作悶，淨係有少少胃氣

＠肥左大約12磅，朋友間肥得最多就係我，要食少d朱古力

＠但最近呢2個禮拜都係肥左唔夠1 KG，成績算唔錯

＠上次驗血唔記得要驗弓型虫，星期五又要抽血，無血啦

＠上個星期響淘寶買左 2 條大肚褲，仲未到，唔知靚唔靚呢

大肚褲

在全部褲都不可在正常情況下穿著，終於唔住去買左條大肚褲。

星期六返沙田，就在最就腳的Gennis買左平生第一條大肚褲。完全一千個一萬個不習慣。平時個人裡裡外外穿的全是低腰，現在？褲要著到上心口。今天整天覺得個背脊比條橡根UN住。周身唔自然。

褲不是很貴，但又不算很平，$470。但原來大肚褲設計都幾特別，橡根褲頭，而且橡根還有一個個像鈕門的東西，等你一格一格的放鬆，聲稱可以由四個月著到個ＢＢ出世。

Gennis的sales都幾好，不過我早有購物目標，就係返工著得的西褲。一入門口就向黑色褲堆中埋首。Sales推介左四款，不過最後我只買了一款，跟住又推介媽媽巴。最後我當然只買了一條褲啦，因為已經響淘寶買左２條。不過這個堅持就換來一個由熱情至木口木面的招待。

出門口後，大王話，之前有個男人買左幾千銀。怪不得對我這個只有四百七的木口木面啦。

淘寶褲要快點到，就快無褲著啦。

xtc icecream

完全沒有理會不許吃生冷食物規條

上星期五偷偷地吃了一杯全天然XTC士多啤啤味雪糕

(事後有向大王報案, 但人家沒話什麼 = 無問題)

顏色極似西瓜, 味道不是很甜

可以再食

菇時 @ 2 April

早上拍菇時

完全看不出她是有白內障 + 9歲的小狗

看她還是那麼可愛

不知她跟未來的你可夾麼

Yummy, Vono Mushroom Soap Pasta

Yummy, VONO mushroom Cream Soup Pasta

係我最鐘意食的白汁味意粉

小小的一杯

當作下午荼, 剛好

而且只有154卡路里

古董法國公仔頭, 但中國製造

上個星期在Cozy Mom看到這個公仔頭時，已經嘩了一聲，好可愛呢！曾有過一刻鐘的想法是買了它，不過已經缺貨了，可惜～

沒想過，後來又在Aileen的blog看見她。Oh, Wah!跟她的傢俱很襯呢！

超低能, 勁搞笑

個多月前發現自己肥左
於是開始左減肥計劃
但減左差不多成個月,  一點成績都無
心情直跌谷底
跟住又發現左每個月都見一次的好朋友
仲未得閒睇我
跟住有人就話, 呢! 上個月就感.............
well, 無法啦, 跟住買左支棒棒
點知結果梗係中左
都無法啦, 本來係想要兔仔
而且本來想新年後去睇多幾轉中醫
睇返好個濕疹先

依家唯有隨遇而安
希望B仔第日無濕疹啦
自從有左濕疹要介海鮮後(尤其係蝦)
先發現原來香港人係好鐘意食蝦
就連明明寫住係豬肉餃都有碎蝦
你話死未