我的第2次 - 6 - 10 Weeks

我的第2次

6 星期

有過經驗人真係會醒目一點。今次我發現自己有孕是早在4星期, 因為怕是假的, 還特地等了2星期才去醫生檢查。哼!

葉醫生真的好生意, 第一次見面足足等了個半小時, 等到人也呆了, 好彩醫務所乾淨企理, 坐都坐得舒服。不過今年葉醫生加價了, 由2010年的$450加到現在$600一次, 好貴啊。

好彩, 在公司可以CLAIM回一點醫藥費, 而且葉醫生很NICE的有問必答, 答得又詳細。人夾人啦, 好怕遇到問非所答的人。

10星期

等足4星期又可以去見醫生, 今次BB己經可以見到初步成型, 見到頭同脊骨。醫生又話見到兩腿之間有個影子凸出, 又機會係仔云云。但一切言之尚早, 上次開始時醫生話看到似女, 但後來看清楚一點就變了仔。不過, 如果係女的話一定十成十變成大女王了, 因為大王整個家族都是男多女少的。

今次跟上次感覺差不多, 沒有嘔, 沒有任何不適, 只是人比上一次脹很快, 雖然磅數沒有上升太快, 但整個人就是感覺是脹了。面脹, 肚脹, 胸脹。希望最後不要肥太多就是。


10星期照

醫生說在2腿之間有陰影, 有可能係男仔, 但又話女仔都可能會有陰影。醫生, 你講曬啦!
我要繼續用念力令你變成女仔。